Qat - ən aşağı səviyyəli adam

-

Azərbaycanda həbsxana jarqonu

Həbsxana jarqonu təzyiq altında olan insanların sözlərin mənasını saxtalaşdırması nəticəsində yaranır. Adi həyatda bir məna verən söz orada tamam başqa mənanı verir.

Həbsxana jarqonları dövrdən dövrə, ölkədən ölkəyə, hətta həbsxanadan həbsxanaya görə dəyişir.

Məsələn, ABŞ həbsxanalarında yeni gəlmiş məhbuslara verilən “balqabaq” adı yalnız oranın lokal jarqonudur, çünki yalnız orada yeni gələn məhbuslar narıncı rəngli geyim geyinirlər.

Yaxud bir zamanlar Azərbaycanda həbsxana divarlarını aşaraq məşhur olmuş “nara – həbsxana çarpayısı” kimi sözləri bugünkü məhbuslar işlətmirlər.

Azərbaycan məhbuslarının öz həyatı, bu həyatın öz yeni dili var. Bu jarqonlar ölkənin həbsxana sistemindəki mühit haqda çoxlu məlumat daşıyır özündə.

Yolu Azərbaycan həbsxanalarından keçmiş gənc siyasi məhbusların köməyilə yeni Azərbaycan həbsxana jarqonları lüğətini toplamaqdayıq.

Lüğət

Siçan soku – antidepressant

Dizel terapiyasi - bir həbsxanadan başqasına köçəndə maşınla gedilən yol

Antilop – həbsxanadan qaçmaq təcrübəsi olan adam

Proqul – gəzinti sahəsi

Xata – kamera

Zolotoy – söhbət aparmaq üçün stol

Obşak – toplum

Reşka – gəzinti sahəsindəki barmaqlıq

Nadzor – nəzarətçi

Vurulma – alçaldılmış elan edilmə

Qat - ən aşağı səviyyəli adam

Suka – satqın, zabitlərə, nəzarətçilərə xəbər daşıyan dustaq

Şustryak – təmizlik işləri ilə məşğul olan dustaq. Onlar zabitlərin deyil, dustaqların otaqlarını təmizləyirlər

Kormuşka – kameranın qapısında yemək vermək üçün nəzərdə tutulan düzbucaq dəlik

Sever – tualet

Mujik – adi dustaq. O, avtoritet olmağa da can atmır, amma ciddi söhbətlərdə iştirak etmək səlahiyyəti var

Oğru – “Qanuni oğru” adını almış adam

Sxodka – qanuni oğruların və avtoritetlərin iştirak etdiyi, qaydaların müəyyən edildiyi iclas

Stremit – avtoritet və ya oğru olmaq üçün çalışmaq. Bunun üçün həbsdə də, azadlıqda da həyatını buna uyğun qurmaq lazımdır.

Stremlyaqa – stremit edən adam

Malyava – məktub

Praqon – oğru(lar) tərəfindən göndərilən, əmr, göstərişlər yazılmış məktub

Kursovka – avtoritet və ya vəziyyətə baxan tərəfindən göndərilmiş, dustaqları hansısa vəziyyətdən, hadisədən xəbərdar edən məktub

Kurs olmaq – söhbətə qoşulmaq. Söhbətə yalnız "kurs olmaq səlahiyyəti olanlar" kurs ola bilər. Məsələn, dostun və ya “qardaş” adlandırdığın adam sorğu-suala çəkilibsə, qoşula bilərsən. Kurs olduğun söhbətdə məsuliyyəti də bölüşürsən.

Razborka – mübahisə, söhbət

Aydınlıq, aydınlığını vermək – hərəkətinin, sözünün mənasını izah etmək

(Ardı var)