İntiqam Əliyev: "İkili hisslər keçirirəm"
Azadlıqda ilk müsahibəsini AzadlıqRadiosuna verən İntiqam Əliyev deyib:
"İkili hisslər keçirirəm. Bir tərəfdən, desəm ki sevinmirəm, yalan olar. Sevinirəm. Çünki.. " (Ətraflı)
İntiqam Əliyev evə buraxıldı
Hüquq müdafiəçisi İntiqam Əliyev həbsxanadan buraxılıb. Bu barədə hüquq müdafiəçisi Anar Məmmədli məlumat verib. Qeyd edək ki, jurnalistlər İ.Əliyevi həbsxananın qarşısında xeyli gözləsələr də, bir müddət onlara elan edilib ki, hüquq müdafiəçisi artıq evinə buraxılıb.
AŞPA alqışladı
Hüquqşunas İntiqam Əliyevin azadlığa buraxılması ilə bağlı Ali Məhkəmənin qərarına beynəlxalq qurumlardan ilk reaksiya Avropa Şurası Parlament Assambleyasının prezidenti Pedro Aqramuntdan gəlib.
O, Twitter hesabından qərarı alqışlayıb:
Agramun ikinci postunda yazıb ki, bu, düzgün yöndə addımdır: "Azərbaycan ədliyyəsi daim əsl müstəqillik nümayiş etdirməlidir"
Ali Məhkəmə martın 28-də Hüquq Maarifçiliyi Cəmiyyətinin həbsdə olan prezidenti İntiqam Əliyevin azadlığa buraxılmasına qərar verib. Qərar baş prokurorun protesti əsasına çıxarılıb.“Hüquq müdafiəçisinin azadlığa buraxılması qərarını alqışlayıram. Bu, doğru addımdır” - yazan AŞPA prezidenti qeyd edib ki, Azərbaycanın məhkəmə sistemi həmişə tam müstəqil fəaliyyət göstərir.
İntiqam Əliyev 2014-cü il avqustun 8-də həbs olunmuşdu. Hüquq müdafiəçisi qanunsuz sahibkarlıq, mənimsəmə, vergidən yayınma kimi ittihamlarla 7 il 6 ay azadlıqdan məhrum edilmişdi.