Sentyabrın 1-də Azərbaycanda növbədənkənar parlament seçkiləri keçirilib. İlkin nəticələrə görə, iqtidarda olan Yeni Azərbaycan Partiyası (YAP) deputat mandatlarının 54.4 faizini qazanıb. Azərbaycan Xalq Cəbhəsi Partiyası (AXCP) ölkədə azad və ədalətli seçkilər üçün şərait olmadığını bildirərək onu boykot etmişdi. Səsvermə prosesini izləyən müstəqil müşahidəçilər və jurnalistlər çoxsaylı qanun pozuntuları qeydə alıblar. Mərkəzi Seçki Komissiyasından (MSK) bildiriblər ki, daxil olan müraciətlər şəffaf şəkildə araşdırılacaq.
MSK Katibliyinin İnformasiya Mərkəzinin müdiri Fərid Orucov bildirib ki, saat 12:00-a qədər respublika üzrə 1 milyon 309 min 522 nəfər səs verib, seçici fəallığı 20.39 faiz olub.
