Kim nə qədər maaş alır

-
Azərbaycanda prezidentin maaşı dövlət büdcəsində çalışanlara verilən ən yüksək məvacibdən 10 dəfə çoxdur. İlham Əliyevin maaşı illik 180 min, aylıq 15 min manatdır. Onun maaşı tibb bacısının maaşından 150 dəfə çoxdur.

Ali Məhkəmə sədrinin aylıq maaşı 1785 manatdır.

Dövlət Statistika Komitəsinin 2010-cu ilə dair rəsmi məlumatına əsasən, hava yolları sahəsində orta maaşlar ən yaxşı hesab edilə bilər. Azərbaycanda hava yolları xidmətində çalışan uçuş rəhbərləri aya orta hesabla 3987 manat alırlar.

Ən az əməkhaqqı isə xəstələrə xidmət edən kiçik tibb bacılarındadır. Onların orta aylıq əməkhaqqı 100 manat civarındadır.

YANLIŞ ƏMƏKHAQQI SİYASƏTİ

İqtisadçı-ekspert Natiq Cəfərli deyir ki, büdcədən maliyyələşən təşkilatların əməkhaqqı siyasəti kökündən yanlışdır:
90 MİLYON MANAT QİYMƏT ARTIMINA NECƏ TƏSİR EDƏCƏK

N.Cəfərli deyir ki, işçilərin çoxluğu maaşların aşağı olmasına və ya aşağı templə artmasına gətirib çıxardır:


NAZİRLƏRİN, ŞÖBƏ MÜDİRLƏRİNİN MAAŞLARI

Nazirlərin, komitə sədrlərinin aylıq vəzifə maaşı 1500-1250 manat arasında dəyişir. Nazir müavinləri, komitə sədrlərinin birinci müavinləri 1000, müavinlər 900-800, aparat rəhbərləri 800-775 manat maaş alırlar.

Nazirlik və komitələrdə şöbə müdirləri 700-650, şöbə müdirinin müavinləri 600-545 manat məvacib alırlar.

Katibələrə ayda 200-143, sürücülərə də bu qədər – 200-143 manat məvacib verilir.

PAKETDƏ MAAŞ

Bunlar rəsmi maaşlardır. Amma dövlət orqanlarında qeyri-leqal əməkhaqqı sistemi məsələsi var. Bəzi nazirlik və komitələrdə buna «paket maaş» sistemi deyirlər.

İqtisadçı Nazim Məmmədov deyir ki, dövlət müəssisələrində ikili mühasibatlıq oradakı korrupsiyadan xəbər verir:
DÖVLƏT QULLUQÇUSU OLMADAN DA

Bir müddət əvvəl Azərbaycanda müəllimlərin dövlət qulluqçusu statusu alması məsələsi ortaya çıxmışdı. Bu isə paralel olaraq yaş məhdudiyyəti ilə əlaqədar işdən çıxarılan müəllimlərin təqaüdlərinin artırılmasına yol açmalıdır.

N.Məmmədov deyir ki, müəllimlərə dövlət qulluqçusu statusu vermədən də onları yaxşı pensiya ilə təmin etmək olar:
MÜƏLLİMİN MAAŞINI NECƏ QALDIRMALI

Parlamentin Sosial siyasət komissiyasının sədri Hadı Rəcəbli də düşünür ki, müəllimlərin maaşları ilə məmur maaşları arasındakı bu uçurum aradan qalxmalıdır:
Azərbaycanda orta məktəb müəlliməsi 245 manat maaş alır. Ali təhsil müəssisələrində isə bu rəqəm bir qədər fərqlidir: 342 manat.